2020 жылғы 1 желтоқсанда Павлодар қаласының Балалар музыка мектебінде алты  шығармашылық ұжым мен  жеті жеке орындаушылар қатысқан онлайн-концерт өтті. Концерттің барлық қатысушылары өздерінің орындаушылық шеберліктерін көрсетіп, көрермендерге сиқырлы әуендерден ләззат алуға мүмкіндік берді.

   - Уақыт үнемі алға жылжып, әрқайсымыз үшін маңызды оқиғалар артта қалады. Кейбір мерекелерді ұмытпау керек, оларды есте сақтау қажет, оны лайықты атап өтіп, болашақ ұрпаққа жеткізу керек. Біз үшін мұндай шара - Қазақстан Республикасының Тұңғыш Президенті күні, - дейді басшының оқу-тәрбие жұмысы жөніндегі орынбасары Нурлан Бакытович Кайшанов.

  Мектеп оқушылары ерекше нөмірлерді дайындады. Қазақстан композиторларының әуендері орындалды, сонымен қатар классикалық, халықтық және заманауи музыкалар орындалды. Құрманғазы, Е. Үсенов, Н. Тілендиев, К. В. Глюка, Н. А. Римский-Корсаков, В. Темновтың шығармалары орындалды.

   Мерекелік концерт балаларға үлкен сахнада өз өнерлерін көрсетуге мүмкіндік берді. Оқушылардың бойында патриоттық сезімді, туған жеріне, халқына, жеріне және ел тарихына деген мақтаныш сезімін қалыптастыру мақсатында концертке жазылған түсініктемелерде Тұңғыш Президент тұлғасының егеменді мемлекет құрудағы рөліне, Қазақстанның дамуы мен өркендеуіне баса назар аударылды.