Павлодар қаласының білім беру бөлімінің экология және туризм балалар-жасөспірімдер орталығының «Тәлімгер» демалыс күнгі лагері өз жұмысын өте қызықты бастады. Лагерьдің алғашқы қонақтары Кенжекөл ауылының отбасы үлгісіндегі балалар ауылының тәрбиеленушілері болды. Павлодарлық «Майдан жолы» іздестіру зерттеу жасағымен бірге 2021 жылдың 5 шілдесінде олар үшін Дүниежүзілік қоршаған ортаны қорғау күніне арналған мереке ұйымдастырылды.

Қонақтарға «Жас эколог» мұражайы мен орталықтың оранжереясына қызықты экскурсия жасалды. «СЮТур» балалар аула клубының «Вертикаль» туристік клуб тәрбиеленушілері, әртүрлі деңгейдегі жарыстардың бірнеше дүркін жеңімпаздары мен жүлдегерлері қонақтарға туризм бойынша шеберлік сағаттарын көрсетті.

Балалар ауылының тәрбиеленушілеріне параллель сүйеніштер, бөрене, маятник, аспалы көпірлер бойынша өткелден өту кезінде туристік кедергілер жолағында өз күштерін сынап көру мүмкіндігі берілді.

- Мереке қызықты өтті және көптеген жағымды эмоциялар мен әсер қалдырды. Алдағы уақытта «Тәлімгер» лагерінің тәрбиеленушілері түрлі іс-шараларды жалғастыратын болады. Мектеп жанындағы лагерлердің оқушыларымен, «Самал» сауықтыру орталығының, мектептердің спорттық туристік клубтарының балаларымен кездесулер өткізу жоспарлануда. Кездесу бағдарламасында экскурсиялар, шеберлік сыныптары, конкурстар, викториналар, эстафеталар, спорттық жарыстар, түрлі ойындар бар, - дейді орталықтың педагогы Әсия Қасенова.