Павлодарда 2021 жылғы 11 маусымда Павлодар қаласының әкімі Ержан Иманслямұлының павлодар мектептерінің дарынды балаларымен дәстүрлі салтанатты кездесуі өтті. Теңіз круизі түріндегі «Сарыарқа жұлдыздары» салтанатты құттықтауына жалпы білім беретін пәндер бойынша республикалық және облыстық олимпиадалардың 41 жеңімпазы мен жүлдегері және жеңімпаздар мен жүлдегерлерді дайындаған қаланың 37 үздік педагогы қатысты. Салтанатты шара Өзен вокзалы алаңында өтті.

Биыл оқушылардың облыстық олимпиадасы прокторинг жүйесін пайдалана отырып, онлайн форматта өтті. Құрама команда 42 медаль иегері болып табылады, оның ішінде 10 алтын, 8 күміс және 24 қола және 21 жыл қатарынан «Үздік қалалық олимпиада командасы» атағын растауда.

Қала әкімі Ержан Иманслямұлы оқушыларға арнаған сөзінде:

- Біз өте ерекше уақытта, қоғамдағы жаһандық өзгерістер, ғылым мен техникадағы ұлы жаңалықтар дәуірінде өмір сүріп жатырмыз. Сіздерге біздің қоғамымыз бен мемлекетіміздің алдағы онжылдықтардағы дамуының кең көкжиектері ашық. Сіз лайықты ізбасарлар боласыз және одан да күшті әрі гүлденген Қазақстанның қалыптасуына өз үлесіңізді қосасыз деп ойлаймын.

Кездесуге қатысушыларды 2009 жылдың түлектері, республикалық олимпиадалардың жүлдегерлері мен жеңімпаздары, «Алтын белгі» иегерлері, Қазақстан Республикасы тәуелсіздігінің құрдастары құттықтады.

Шайхин Бауржан, № 39 мектептің түлегі өз сөзінде:

- Мен сіздер сияқты мектеп жылдары олимпиадалық қозғалыстың белсенді қатысушысы, қалалық, облыстық және республикалық олимпиадалардың жеңімпазы және жүлдегері болдым. Бұл тәжірибе маған Беркли Калифорния университетіне оқуға түсуге және оқуға көмектесті. Өзіңізге сеніңіз, еңбекқор болыңыз және ешқашан өз мақсаттарыңыздан ауытқымаңыз.

Кенжекөл ЖОМ түлегі, Л. Н. Гумилев атындағы Еуразия ұлттық университетінің докторанты Егінбаева Ақжан өз құттықтауында:

- Олимпиада - бұл әрқайсыңыз үшін жеке тұлға мен зияткерлік мүмкіндіктерді дамытуға арналған қуатты ресурс. Мұндай жеңістер сізге күш пен қабілеттеріңізге сенімділік береді-деп атап өтті.

Марапаттау рәсімінде оқушылар Павлодар қаласы әкімінің құттықтау сөзімен, 100 мың теңге сомасындағы сертификатпен, өскелең ұрпақтың жоғары кәсібилігі мен рухани және зияткерлік деңгейін дамытқаны үшін Павлодар қаласы әкімінің Алғыс хатымен және атаулы стелалармен марапатталды.

Алтын медаль иегерлерімен марапатталған оқушылар қатарында өзін-өзі тану пәні бойынша Б. Момышұлы атындағы ЖОМ 11 сынып оқушысы Досмұхамбет Әсем, № 29 ЖОМ 10 сынып оқушысы Кузят Алина, қазақ мектептеріндегі орыс тілі бойынша - № 37 ЖОМ 11 сынып оқушысы Ғұмар Ернұр, № 39 ЖОМ-нің құқық негіздері бойынша - Нұрболат Аружан, 9 сынып, неміс тілі бойынша - Мартенс Мила, 9 сынып, француз тілі бойынша - Бочкарева Виктория, 11 сынып, орыс тілі мен әдебиеті бойынша - Вакулина Диана, 10, Құқық негіздері бойынша - Борецкий Богдан, 10 сынып оқушысы, неміс тілінен - № 16 мектеп-лицейінің 11 сынып оқушысы Жанат Аружан,. географиясы бойынша - № 1 ЖОМ 11 сынып оқушысы Закиров Омар болды.

Салтанатты іс-шараға қатысушылар атынан Павлодар қаласының әкіміне республикалық олимпиаданың жүлдегері, № 1 ЖОМ 11 сынып оқушысы Закиров Омар олимпиада қозғалысына қолдау көрсеткені үшін алғысын білдірді. Іс-шара теплоходтағы өзен серуенімен аяқталды.