С. Торайғыров атындағы облыстық кітапхананың «Айна» галереясында 2021 жылғы 30 қазанда Павлодар қаласы балалар көркемсурет мектебінің педагог-суретшілері Шәміл Рақымбекұлы Шушаев пен Анна Валерьевна Аткинаның жеке жұмыстарының «Екі көзқарас» көрмесінің ашылуы өтті. Олар халықаралық, республикалық және облыстық байқаулардың бірнеше дүркін жеңімпаздары.
Бұл олардың облыс көлеміндегі алғашқы көрмесі. Экспозицияда классикалық және заманауи кескіндеменің акрил және май кенептерінде жасалған суретшілердің 30-дан астам жұмыстары ұсынылған. Көрмеге қойылған жұмыстарда натюрморттар, портреттер, пейзаждар көрсетілген.
Анна Аткина, суретші-мұғалім, дизайнер, декоратор, мектепте 15 жылдан астам уақыт жұмыс істейді. Ол көркемсурет мектебін, көркемсурет колледжін және Инновациялық Еуразия университетін бітірген. Әріптестерімен түстерді, колористикалық шешімдерді талантты таңдау шеберлігімен бөліседі. Оның шығармашылығынан тәрбиеленушілер, әріптестер және туыстар шабыт алады. Тәрбиеленушілердің көптеген жеңістері бұған дәлел: «Small Montmartreof Bitola» халықаралық балалар суреттері байқауында Тенькина Алина, 14 жаста (2019 жыл), Чехиядағы халықаралық графика байқауында Кочетыгова Анастасия, 14 жаста, «Абайдың қара сөздері» республикалық байқауында Алексеенко Валерий, 13 жаста (2020 жыл), «Балалар әлемді бейнелейді. Қазақстан» республикалық байқауында Макерова Ангелина, 7 жаста және Аубакирова Арина, 13 жаста, «Алтын қазына» облыстық байқауында Ахметова Адель, 14 жаста (2021 жыл), «Қысқы қиялдар» облыстық байқауында Базарбай Дамира 10 жаста жеңімпаз атанды. Анна педагогикалық семинарларға, әртүрлі деңгейдегі шығармашылық көрмелерге белсенді қатысады. Суретші өзінің шабытын табиғатта серуендеуден, ашық ауада серуендеуден және саяхатқа шыққанда алады.
Шәміл Шушаев, педагог-суретші, сәулетші, дизайнер, Ресей, Қазақстан педагог-суретшілерінің Халықаралық Одағының мүшесі. Мектепте 9 жыл жұмыс істейді. Көркемсурет мектебін және Инновациялық Еуразия университетін бітірген. Студент кезінде ол «Педагогикалық идеялар» республикалық байқауының жүлдегері, Ресейдің Омбы қаласында өткен «Бір өзен жағасында» халықаралық көрмесіне, Алматыда өткен «Креативті индустрия» шеберлік сабағына, облыстық «Менің Қазақстаным» педагогикалық байқауына, «Белорусская лялка» халықаралық байқауына қатысып, өзінің шығармашылық қабілеттерін аша алды. «Студенттік хабаршы» ғылыми журналында, «Қосымша білім және тәрбие» педагогикалық журналында, «Қазақстанның педагогикалық әлемі» ғылыми-әдістемелік журналында жарияланымдары бар. Оның тәрбиеленушілері «Алтын қазына», «Балалар әлемді бейнелейді. Қазақстан» республикалық байқауында (2020 жыл), «Ақ Бота» облыстық байқауында (2019, 2020 жылдар), «Достояние души» әдеби-көркем жобасына қатысып жеңімпаз атанды. Балалармен жұмыс және шығармашылық ұжымның ортасы-суретшінің күші мен шығармашылық қуатының көзі. Көрмеге 2021 жылдың 25 қарашасына дейін баруға болады.
