ІХ облыстық кіші мектеп оқушыларының математикалық турниріне облыстың жалпы білім беретін мектептерінің және дарынды балаларға арналған мамандандырылған мектептерінің 106 оқушысы, оның ішінде қалалық турдың жеңімпаздары № 9, 16, 19, 37 (2), 38, 39 жалпы білім беретін мектептердің 7 оқушысы қатысты.
2021 жылдың 20 қарашасында Павлодар қаласының № 37 ЖОМ «Ертіс дарыны» өңірлік қосымша білім беру оқу-әдістемелік орталығымен турнир өткізілді. Мақсаты - оқушыларды жоғары деңгейдегі зияткерлік жарыстарға дайындау.
Қатысушылар бір сағат ішінде математикадан 20 сұрақтан тұратын тест тапсырмаларын орындады. Байқау қорытындысы бойынша 7 қатысушыдан 5 павлодарлық оқушы жүлделі орындарға ие болып, «Ертіс дарыны» орталығының I, II, III дәрежелі дипломдарымен марапатталды.
4 сынып оқушылары арасында І орынды № 39 ЖОМ оқушысы Власов Роман, ІІІ орынды № 19 ЖОМ оқушысы Қадіркеш Әкежан иеленді.
3 сынып оқушылары арасында ІІІ орынды № 38 НОМ оқушысы Тлеубекұлы Сұңғат иеленді.
2 сынып оқушылары арасында ІІІ орынды № 37 ЖОМ оқушысы Нұрлан Нұрәли және № 9 мектеп-гимназиясының оқушысы Рахметулла Дильназ иеленді.