Қазақстан Республикасы Тәуелсіздігінің 30 жылдығын мерекелеу аясында Павлодар қаласының № 49 санаторлық сәбилер-балабақшасында «Патриоттық және азаматтық сезімді қалыптастыру, сондай-ақ өскелең ұрпақ арасында ел алдында руханият пен жауапкершілікке тәрбиелеу» тақырыбында дөңгелек үстел отырысы өткізілді.

Отырыста ересек және мектепалды топтардың балалары өздерінің тақырыптық жобаларын ұсынды, онда негізгі мақсат өз Отанының болашағына азаматтық борыш пен патриотизм сезімін тәрбиелеу мәселесін ашу және шешу болды. Онлайн форматта педагогтар, ата-аналар, Павлодар қаласы білім беру бөлімінің, Қазақстан Республикасының адам құқықтары жөніндегі уәкіл жанындағы үйлестіру кеңесінің, Павлодар облысы бойынша экология департаментінің өкілдері қатысты.

Балабақшада бірнеше жылдан бері балалар жазған құжаттар бар. Онда жақсы мінез - құлықтан бастап экологияға байланысты сұрақтарға дейін бәрі бар. Мұнда мектеп жасына дейінгі балаларға өздерін азамат ретінде сезінуге және құқықтары мен міндеттерін толық түсінуге үйретеді. Тіпті өз конституциясы - көптеген бағыттар бойынша ережелер жиынтығы бар. Ол үнемі толықтырылып отырады, бірақ бұған дейін ұзақ пікірталастар және талқылаулар болады.

- Жобаларды қорғау төрт блок бойынша өтеді: экология, этномәдениет, денсаулық және білім. Балалар балабақшаның конституциясына түзетулер енгізеді, ақылды, тәрбиелі, білімді бала болу үшін не істеу керектігі туралы, - балабақша басшысы Жанат Смағұлова айтып өтті..

Отырыстың қорытындысы мектепке дейінгі мекеменің конституциялық кеңесіне түзетулер енгізу, тәрбиеленушілердің отбасыларымен өзара іс-қимылдың қолайлы ахуалын жасау, балалардың бойында патриотизм рухын тәрбиелеуге тарту болды. Мұндай іс-шаралар олардың құқықтары мен міндеттерін білуге деген танымдық қызығушылықты арттырады және белсендіреді.