Нұр-Сұлтан қаласында бокстан «Тәуелсіздік ұландары» атты ашық республикалық турнир өтті. Турнирге Шығыс Қазақстан, Атырау, Ақмола, Павлодар, Қарағанды облыстарының, Алматы, Нұр-Сұлтан қалаларының жасөспірімдер мен жастардың 30-дан астам командасы қатысты. Павлодар облысының құрамасында «Сауран», «Азат» клубтарының «Жігер» балалар-жасөспірімдер клубының тәрбиеленушілері өнер көрсетті.

Турнирдің қорытындысы бойынша Жігер командасы жүлделі орындарға ие болды. 6-сынып оқушысы «Сауран» клубының тәрбиеленушісі Мақсатұлы Асылан, № 19 ЖОМ 7-сынып оқушысы Мақсатұлы Арман турнир чемпионы және алтын медаль иегері атанды. Асылан үшін бұл республикалық деңгейдегі алғашқы медаль. Клубқа 2019 жылдан бері қатысып келеді, 2021 жылдың қараша айында облыстық бокс турнирінің чемпионы атанды.

Турнирдің күміс медалін «Сауран» клубының тәрбиеленушісі, № 24 ЖОМ 7 сынып оқушысы Темір Мүсірәлі жеңіп алды. Ол клубта үшінші жыл айналысуда. 2021 жылы жасөспірімдер арасындағы бокстан қалалық турнирде алтын медаль жеңіп алды.

Жамбербаев Алмаз, «Азат» клубының тәрбиеленушісі, № 19 ЖОМ 5-сынып оқушысы бокс секциясына бірінші жыл қатысып келеді, алайда осы турнирдің қола медалінің иегері атанды.

- Тәрбиеленушілер спортта үлкен үміт артады - күрес сабақтарына қатысу оларда ерік-жігер қасиеттерін тәрбиелейді, дене шынықтыруды, мінез-құлықты қалыптастырады, спорттық тәртіпті сақтауға бағыттайды. Тәрбиеленушілердің табандылығы мен еңбегі өз нәтижелерін беруде, - дейді Жаменкенов Ертай Хайроллаұлы, жеңімпаздардың жаттықтырушысы, КСРО, Қазақстан спорт шебері, I санатты төреші, жоғары біліктілік санаты бар.