«Инклюзивті білім берудегі психологиялық-педагогикалық қызметтің инновациялық әдістемелік құралдары» пилоттық жобасы аясында «Педагогтар мен білім алушыларда жетістікке жету уәждемесін дамыту технологиялары» атты ғылыми-тәжірибелік семинар өтті. Семинарды Павлодар қаласы білім беру бөлімінің әдістемелік кабинеті Инновациялық Еуразия университетімен бірлесіп онлайн режимде ZOOM платформасында өткізді. Павлодар қаласы білім беру бөлімінің 100-ден астам өкілдері, университеттің профессорлық-оқытушылық құрамы, мектеп директорларының орынбасарлары, пән мұғалімдері, бастауыш сынып мұғалімдері, қаланың жалпы білім беретін мектептерінің педагог-ассистенттері қатысты.

Семинарда педагогика ғылымдарының докторы, «Педагогика және психология» магистратурасының психология, тарих, география білім беру бағдарламаларының жетекшісі, инклюзивті білім берудегі педагогикалық қызмет университетінің қауымдастырылған профессоры Каирбекова Багжанат Дындарбековна «Педагогтің функционалдық-жүйелік ойлауының инновациялық құралдары» тақырыбындағы баяндамасында оқушылардың инновациялық қабілеттерін дамытудың әдістері мен модельдеріне, инклюзивті білім берудегі психологиялық-педагогикалық қызметтің әдістемелік құралдарына егжей-тегжейлі тоқталды. Кәсіби қызметтегі типтік қиындықтар базасын қалыптастыру мәселелерінде ол аймақтың негізгі субъектілерінің өзара әрекеттесу моделін, теория мен тәжірибені біріктіретін кәсіби қызмет теориясын көрсетті.

Павлодар қаласы білім беру бөлімінің әдіскері Нурахметова Шолпан Саменовна семинар материалдарын педагогтердің барлық санаттарының өзін-өзі дамыту және өздігінен білім алуы, шығармашылық топ педагогтары мен инклюзивті білім беру мәселелері бойынша әдістемелік құралдар мен бағдарламалар авторларының қалалық, облыстық және республикалық байқауларға қатысуы, әр түрлі деңгейдегі семинарларға қатысу арқылы біліктілікті арттыру үшін мектептерге жеткізу туралы ұсыныстар берді. Семинар материалдары жұмыста әрі қарай пайдалану үшін қала мектептеріне жіберілді.