Павлодар қаласының білім және дене шынықтыру және спорт бөлімдерінің мектеп оқушылары арасында спорт күндерінің жекелеген түрлері бойынша чемпионаттың бағдарламасына сәйкес 2021 жылы футболдан еңбек сіңірген жаттықтырушы Александр Александрович Клопковты еске алуға арналған шағын футболдан, мектеп баскетбол лигасынан, қысқы бағдарлаудан турнирлер өткізілді. Жарыстар қыздар мен ұлдар арасында өтті. Мақсаты - дене тәрбиесі, адамгершілік тәрбиесі, спортпен шұғылданатын дарынды балаларды қолдау, салауатты өмір салтын қалыптастыру. Спартакиаданы ұйымдастырушы - Павлодар қаласының дене шынықтыру және спорт бөлімі.

Қаланың жалпы білім беретін мектептерінің спорт залдарында шағын футболдан турнирлер өтіп, 25 жас жігіттер командасы қатысты. Жасөспірімдер арасындағы жарыстың қорытындысы бойынша № 34 орта мектеп командасы І-орын, № 16 лицей-мектебінің командасы ІІ-орын, № 24 орта мектептің командасы ІІІ-орынды иеленді.

Қаланың жалпы білім беретін мектептерінің спорт залдарында мектеп баскетбол лигасының турнирлері өтіп, 27 қыздар командасы, 12 ұлдар командасы қатысты. Жарыстың қорытындысы бойынша ұлдар арасында І-орынды № 2 орта мектептің командасы, екінші орынды №41 орта мектептің командасы, үшінші орынды № 25 ЖОМ орта мектептің командасы иеленді. Қыздар арасында І орынды №14 ЖОМ командасы, ІІ орынды № 16 лицей-мектебі командасы, ІІІ орынды № 5 ЖОМ командасы иеленді.

«Ертіс» шаңғы базасында қысқы спорттық бағдарлау бойынша жарыстар өтіп, оған 8 қыздар командасы, 8 ұлдар командасы қатысты. Жарыстың қорытындысы бойынша ұлдар арасында І-орынды № 36 орта мектептің командасы, екінші орынды №39 орта мектептің командасы, үшінші орынды № 9 орта мектептің командасы иеленді. Қыздар арасында № 14 орта мектеп командасы І орынды, № 36 орта мектеп командасы ІІ орынды, № 9 орта мектеп командасы ІІІ орынға ие болды.

2022 жылғы мектеп оқушылары арасындағы спартакиада аясында спорттың 7 түрінен өтеді - Е. А. Әлімбековке арналған әскери-спорттық эстафета, Қ. Сәтбаевқа арналған баскетбол (4 - 5 сыныптар), «Былғары доп» футболы,  В. Чеботаревқа арналғаншағын футбол, А. Бегалиновқа арналған баскетбол (7 - 8 сыныптар), туристік слет.