Жыл сайын Павлодар қаласының № 30 мектебінде бастауыш сынып балалары үшін күндіз болатын «Шаңырақ» жазғы сауықтыру лагері және жоғары сынып оқушыларына арналған бейінді жасақтар жұмысын бастайды. Осы маусымда «Жаз - 2022» жобасы бойынша жұмыс техникалық, мәдени, тілдік дамуға бағытталды. Мақсаты - денсаулықты нығайту және бос уақытты ұйымдастыру үшін қолайлы жағдайлар жасау, физикалық, шығармашылық және зияткерлік әлеуетті, жеке қабілеттерді дамыту.

«Шаңырақ» мектеп жанындағы лагерінде 2 маусымда 150 оқушы демалды, оның ішінде 41 оқушы аз қамтылған және көп балалы отбасылардан, жетімбалалар болды. 159 жоғары сынып оқушылары бейінді және еңбек жасақтарына жұмылдырылып, қаланың кәсіпорындары мен ұйымдарына жұмысқа орналастырылды.

Лагерь жұмысында бейінді отрядтарға көп көңіл бөлінді. Әр бала үшін  бейінді лагерьде болу - жаңа білім алу, дағдылар мен өмірлік тәжірибе алу уақыты.

Оқушылар үлкен қызығушылықпен спорттық-сауықтыру, әскери-патриоттық, өлкетану және хореографиялық үйірмелерге қатысты. Жол қозғалысы ережелері, судағы қауіпсіздік, өрт қауіпсіздігі бойынша іс-шараларға ерекше назар аударылды, - дейді балалардың жазғы демалысы бойынша мектеп үйлестірушісі Армангүл Құдайбергенқызы Макишева.

Лагерьдің жұмыс бағдарламасы әртүрлі іс-шараларды қамтыды, демалыс, сауықтыру және балаларды тәрбиелеудің әртүрлі бағыттарын біріктірді. Балалардың пікірінше, ең қызықтысы «Көңілді старттар», «Даңқ эстафетасы», «Танысу шамдары», «Қазына іздеу», «Лазарет», «Қарақшылар кеші», жаттығулар, таза ауада би жаттығулары, мектептің қаңқалық бассейнінде  жүзу, «Нептун» бассейні болды. «Би микс», «Отбасынан лайфхак», «Әуе шарларының фестивалі», «Қолдан жасалған гүл», «Түрлі түсті әлем», «Жазғы  қоржын», «Құм қиял» қалалық жобаларында белсенді қатысып, жүлделі орындарға ие болды.

Ауысымның соңында оқушылар өткен күнді талдауға үйренді, өзін-өзі бағалауды үйренді, өз іс-әрекеттеріне сыни тұрғыдан қарауды үйренді. Тәрбиешілер бір-бірімен тұлға аралық қарым-қатынаста оң динамиканы атап өтті.

- Лагерь жұмысы қызықты өтті деген қорытынды жасағым келеді. Балалар белсенділік пен бастаманы көрсете отырып, өз мүмкіндіктері бойынша өздерін жүзеге асыра алды, денсаулығын нығайтты, көбі келесі жылы лагерь жұмысына қатысуға ниет білдірді. Мектеп жанындағы және бейіндік лагерьлерде өткізілген күндер ұзақ уақыт бойы пайдалы істерімен, шығармашылық дағдыларымен және жаңа әсерлерімен есте қалады деп үміттенеміз, - дейді Армангүл Құдайбергенқызы.