Павлодар қаласы білім беру бөлімінің «Жігер» балалар-жасөспірімдер клубында «Этноауыл» жобасы аясында 5 шілде күні кезекті іс-шара «Баталар фестивалі» өтті. Мақсаты - ұлттық әдет-ғұрып, салт-дәстүрлерді білу.
Фестивальға қаладағы № 7, 16, 11, 18, 29, 41, Алимбаев атындағы мектептерден 120-дан астам мектеп жанындағы лагерьлердің оқушылары жиналды. Мектеп оқушылары дәстүрлерді көрсететін көріністер қойды, және ол көріністі дәстүрлі бата беру арқылы қорытындылады. Көрермендер келесі әдет-ғұрыптарымен «Азан шақыру», «Тұсау кесу», «Наурыз», «Жаңбыр шақыру», «Құрбан айт», «Жол бата», «Қоңыс той бата» танысты.
- Фестиваль балалардың шығармашылық әлеуетін дамыту, халқымыздың әдет-ғұрыптарын біліп, мәнерлеп оқу дағдыларын қалыптастыру, сахнада өнер көрсету, ақындық өнері бар балаларды қолдау үшін ұйымдастырылды, - дейді Гайнутдинова Динара Расыковна «Жігер» клубының әдіскері.