Павлодар қаласы білім беру бөлімінің іс-шаралар жоспарына сәйкес 2022 жылдың 12 шілдесінде Әлімбаев атындағы мектептің стилобатында «Менің Павлодарым» атты мерекелік концерт өтті.
Концерт М. Әлімбаев атындағы мектептің, № 24, 25, М. Әуезов атындағы мектептердің дарынды оқушылары мен педагогтарының өнерінен басталды. Олардың орындауында қазақтың халық күйлері, қазақстандық әншілер, белгілі павлодарлық автор және орындаушы Серік Мұсалимовтың әндері шырқалды.
- Аталған іс-шара оқушылардың туған қаласының тарихын, өзінің талантты құрдастарын білу, атақты өнер адамдары үшін мақтаныш пен отаншылдықты қалыптастыру және сахнада атақты жерлес - әншілермен өнер көрсетуі мақсатында ұйымдастырылды, - дейді мектеп басшысының м. а. Оразбек Бахатхан.
Концерттік бағдарлама павлодарлық, композитор, әнші Серік Мусалимовтың өнерімен аяқталды. Оқушылармен бірге ол репертуарынан «Павлодар», «Менің Қазақстаным» әндерін орындап, фотосессияға қатысты.