«Білімнің басты құндылықтары: терең білім, еңбекқорлық және отаншылдық қасиет» республикалық тамыз кеңесі аясында «Заманауи мектептегі сынып жетекші»интерактивті сессиясы өтті.

  2022 - 2023 оқу жылында Қазақстан Республикасында орта білім берудің оқу процесін ұйымдастырудың ерекшеліктері туралы білім беру бөлімінің әдіскері Қуандық Тайболатов таныстырып өтті.

  Қала мектептердің сынып жетекшілері секцияларда баяндама жасап, өз тәжірибелерімен бөлісті. Қаланың 15-ден астам сынып жетекшілері шеберлік сағаттар,қызықты тәжірибелерімен, интерактивтік қосымшаларымен, технологияларымен, әдістемелік-дидактикалық әзірлемелерімен бөлісті.

   Сессия қорытындысы ұсынылған мәселелер бойынша диалог алаңы болды. Өздерінің педагогикалық тәжірибелерін таныстырған барлық педагогтер Павлодар қаласының білім беру бөлімінің сертификаттарымен марапатталды.