«Қазақстанның Экологиялық қоры» ҚҚ бастамасымен өтіп жатқан «Green challenge» - «Жасыл челлендж» көшеттерді отырғызу жөніндегі Республикалық акцияны Павлодар қаласының экологиялық бағыттағы № 36 мектебі қолдады. Экологиялық ұйымдардың өкілдері, ақсақалдар, еңбек сіңірген мұғалімдер, экологтар, еріктілер, Облыстың жер қойнауын пайдалану, қоршаған орта және су ресурстары басқармасының, Павлодар облысы бойынша экология департаментінің, Павлодар қаласының білім бөлімінің өкілдері, ата-аналар шақырылды.

Мектеп аумағында № 36 мектептің педагогикалық еңбек ардагерлері, мектептің бұрынғы директоры Татьяна Николаевна Качураның, бастауыш сынып мұғалімі Раиса Ивановна Веселовскаяның, неміс тілі мұғалімі Корлан Кабдулловна Демеуованың, ағылшын тілі мұғалімі Зиягуль Елеусизовна Баилдинованың, тарих мұғалімі Мансия Кабжановна Ибраеваның, Социалистік Еңбек Ері және екі рет Ленин ордені иегері Анес Ахмединович Ахмединовтың, биология және химия мұғалімі Людмила Васильевна Данилованың атаулы тақтайшалары бар 16-дан астам шаған мен қарағай көшеттері отырғызылды. Іс-шара экологиялық мәдениетті, табиғатқа, қоршаған ортаға қамқорлықты қалыптастырады.

- Жас ұрпаққа үлгі, кәсіби борышына, туған өлкесіне, сүйікті еліне шын берілгендік үлгісі болып табылатын педагогикалық еңбек ардагерлеріне алғыс айтамыз Жоғары идеалдарға, отандық педагогиканың үздік дәстүрлеріне адалдықты үйлестіре білгеніңіз үшін және уақытпен қатар жүруге дайын болғаныңыз үшін рахмет!», - Қазақстанның Экологиялық қорының жобалық менеджері, Камарья Рамазановна Джазбаеваның алғыс сөздері.

Қазақстанның Экологиялық қоры ағаштар мен бұталарды отырғызудың жыл сайынғы дәстүрін жасады. Мұндай бақтар балаларға демалуға, қоршаған әлеммен еркін танысуға, күн сайын көшеттердің өсуі мен гүлденуіндегі өзгерістерді байқауға мүмкіндік береді. Мұның бәрі, сайып келгенде, біздің оқушыларымызды табиғатпен жақындастырады және экологиялық тәрбиені қалыптастырады.

Мектеп 13 жыл бойы мектеп аумағын көгалдандыру бойынша «Мектептер: болашақтың серіктестері» Халықаралық PASCH-жобасымен ынтымақтастықта екенін айта кету керек. Осы уақыт ішінде 45 тен астам шырша отырғызылды.