Павлодар қаласы білім беру бөлімі әдістемелік кабинетінің жұмыс жоспарына сәйкес № 20 лицей-мектепте «Интерактивті әдістер мен тәсілдерді пайдалана отырып, білім беру үдерісінің тиімділігін арттыру» тақырыбында семинар-практикум өткізілді. Қаланың жалпы білім беретін мектептерінің бастауыш сыныптарының 50 мұғалімі қатысты.

Павлодар қаласы білім беру бөлімінің әдіскері Қайрғазина Шолпан Шаханқызы «Репродуктивтіден сындарлы білімге көшудің маңыздылығы туралы» тақырыбында сөз сөйледі. Ол білім берудегі негізгі инновациялық әдістерінің бірі интерактивті оқыту әдістемесі екенін атап өтті. Бұл әдістің негізгі қағидасы - оқушылар мен мұғалімдердің диалогтық қарым-қатынасы арқылы тұлғаны қалыптастыру және дамыту. Интерактивті оқытудың негізгі мақсаты - оқушыларды өз бетінше ойлауға және мәселелерді шешуде жауап табуға үйрету.

Бастауыш сынып мұғалімдері өздерінің педагогикалық тәжірибелерімен бөлісті. Сағымбаев Рустам Бақытбекұлы «Интерактивті әдістермен міндеттерді негіздеу нысандарын» көрсетті, Әзімбаева Әсия Жамболатқызы «Сабақтың ұйымдастырушылық кезеңін өткізудің ерекшеліктері туралы», Жұманбаева Меруерт Қаллиолақызы «Кері байланыс пен рефлексияның ерекшеліктері мен ұқсастықтары туралы» айтты.

Семинар қатысушыларына интерактивті оқыту әдістері деректерді жинақтау және талдау, оларды оқу үдерісінде есте сақтау және пайдалану арқылы оқушылардың жеке қабілеттерін ашуға қалай ықпал ететіні түсіндірілді.