15 қарашада «Физика» пәні бойынша бағдарламалау және жаратылыстану -математикалық ХІІ облыстық олимпиадаға Павлодар қаласының № 29, 39, Ахмет Байтұрсынұлы атындағы мектептердің 7 - 8 сыныптарының 3 оқушысы, олимпиаданың қалалық кезеңінің жеңімпаздары қатысты.
Олимпиаданың мақсаты-оқушыларды жоғары деңгейдегі олимпиадаларға дайындау жүйесін жетілдіру, жаратылыстану-математикалық бағыт және бағдарламалау пәндері бойынша олимпиадалық резерв құру.Олимпиаданың облыстық кезеңінің ұйымдастырушысы Облыстың білім басқармасының «Ертіс дарыны» өңірлік қосымша білім беру оқу-әдістемелік орталығы болып табылады.
Олимпиада қорытындысы бойынша, Ахмет Байтұрсынұлы атындағы 8 сынып оқушысы Бексолтанов Сәбит ІІІ орынға иеленді және «Ертіс дарыны» орталығының III дәрежелі дипломымен марапатталды. Мектепте Сәбит физика, химия, биология жаратылыстану-математикалық цикл пәндерімен шұғылданады. Болашақта осы бағыттар бойынша мамандық таңдауды жоспарлап отыр.