Оқушыларды жоғары деңгейдегі зияткерлік жарыстарға тиімді даярлау мақсатында 2022 жылғы 24 қарашада Павлодар қаласының А. Бөкейхан атындағы мектеп-лицейінде бастауыш сынып оқушылары арасында «Бастау» Х облыстық математикалық турнирі өткізілді. Ұйымдастырушы облыстың білім басқармасының «Ертіс дарыны» өңірлік қосымша білім беру оқу-әдістемелік орталығы болып табылады.
Мамандандырылған мектептерден 90 оқушы және Павлодар қаласының № 21, 35, 38, А.Байтұрсынұлы атындағы, А. Бөкейхан атындағы жалпы білім беретін мектептерден 5 оқушы, қалалық турдың жеңімпаздары қатысты.
Қатысушылар тапсырмаларды шешіп және ауызша тапсырма шешуін жеке-жеке қорғады. Турнир қорытындысы бойынша төрт павлодарлық оқушы жүлделі орындарға ие болды, оның ішінде бас жүлдені 2-сынып қатысушылары арасында А. Байтұрсынұлы атындағы мектептің оқушысы Ленинг Катриана иеленді.
Сондай-ақ, екінші сынып оқушылары арасында №35 ЖОМ оқушысы Қабыш Байназар ІІІ орынға ие болды.
3 сынып оқушылары арасында ІІ орынды Абылденова Айар (А. Бөкейхан атындағы мектеп-лицей), 4 сынып оқушылары арасында - Ұрасқан Әлихан (№ 38 НОМ) иеленді.
Жеңімпаздар мен жүлдегерлер облыстың білім басқармасының дипломдарымен марапатталды. Гран-при иегері Ленинг Катриана республикалық турнирге қатысады.