Сынып жетекшісі қызметінің басым бағыттарының бірі балаларды тәрбиелеуде отбасымен бірлесіп жұмыс жасау, оқушылардың ата-аналармен өзара іс-қимылы болып табылады. Әдістемелік көмек көрсету, отбасымен жұмыс істеу мәселелерін зерделеу мақсатында Павлодар қаласының жалпы білім беретін мектептерінің жас сынып жетекшілері үшін «Отбасы мен мектептің ынтымақтастығын ұйымдастырудағы сынып жетекшісінің рөлі» атты қалалық семинар өтті.

Семинарда Павлодар қаласы білім бөлімінің әдістемелік кабинетінің меңгерушісі Тайболатов Қуандық Момынғазыұлы «Қазақстан Республикасының білім беруді дамытудың 2022 - 2026 жылдарға арналған тұжырымдамасындағы тәрбие мәселелері» атты баяндама жасады. Баяндамада тәрбие жұмысы барысында мектептерде туындайтын проблемалар баяндалды, тұжырымдаманы іске асыру бойынша күтілетін нәтижелермен және нысаналы индикаторлармен таныстырды.

№ 26 мектеп басшысының тәрбие ісі жөніндегі орынбасары Әсия Ризолқызы Медетова «Ата-аналармен жұмыста сынып жетекшісінің жұмысын ұйымдастырудың әдістері мен тәсілдері» атты баяндама жасап, шеберлік сағатын өткізді. Қатысушылар әр түрлі жағдайларда ата-аналармен жұмыс істеу, жұмыстың әртүрлі формалары мен әдістерін қолдану, рөлдік және іскерлік ойындарды пайдалану туралы кейстерді пысықтады.

Диалог алаңында қатысушылар қолда бар мәселелерді талқылап, ата-аналармен жұмыс бойынша әдістемелік ұсыныстар алды.