kense.oo.ap@pavlodar.gov.kz
140 000 Павлодар қ., Кривенко көшесі, 25
32-21-67
сенім телефоны/Call-орталық
8 7182 32 19 37

Азаматтарды жеке қабылдау кестесі
Сайттың аналитикасы
Бір жылда2396339
Бір айда232198
Бір аптада45539
Кеше9237
Тәулік2248
Облыстық пікірсайыс турнирінің қатысушылары анықталды
23-01-2023 12:07
Облыстық пікірсайыс турнирінің қатысушылары анықталды

Павлодар қаласы білім бөлімінің «Павлодар дарыны» бос уақытты қамту және балалардың  дарындылығын дамыту орталығымен 2023 жылғы 20 қаңтарда Малайсары батыр атындағы мектепте ұлттық пікірсайыс турнирінің қалалық іріктеу кезеңі өткізілді. Мақсаты - турнирдің облыстық кезеңіне қатысу үшін мемлекеттік тілде оқытатын оқушылардың пікірсайыс командасын іріктеу. № 2, 7, 14, 17, 21, 24, 25, 29, 30, 35, 39, 40, 41, 46, Малайсары батыр атындағы, Қ. Бекхожин атындағы, М. Әлімбаев атындағы, М. Жүсіп атындағы, А. Бөкейхан, Ж. Ташенев, Кенжекөл, Жетекші 22 мектептің 8 - 11 сынып оқушыларынан 24 команда қатысты.

Төрешілер алқасында «Жаңа көзқарас» дебат мектебінің және «Ақиқат» ИДК жетекші пікірсайысшылары, Павлодар педагогикалық университетінің студенттері болды.

Турнир орыс тілінде оқитын оқушылар командалары үшін де екі турда өтті: Британдық парламенттік формат бойынша іріктеу (төрт іріктеу раунды) және американдық парламенттік формат бойынша қорытынды (1/4, 1/2 және финалдық раунд). Турнир  қорытындысы бойынша 3 команда жеңімпаз және жүлдегер атанды.

І орынды № 2 ЖОМ «Шабыт» командасы иеленді. Пікірсайыстың соңғы тақырыбы «Жаңа Қазақстанның бұл палатасы құрудағы негізі жобаны көрсетеді». Команда жаңа Қазақстанды құрудың маңыздылығы жөнінде маңызды дәлелдер келтірді және өз қарсыластарынан мықты болып шықты.

ІІ орынды № 14 ЖОМ «Mustafa» командасы иеленді - бұл палата «Ата -аналары балаларына 18 жастан кейін қаржылай және материалдық көмек көрсету керегі» деп есептейді. Олар адамның жетістігі туралы дәлелді түрде сөйлей алды, бұл оның ерте табандылығы мен сәттілігіне байланысты.

ІІІ орынды № 17 ЖОМ «Алаш» командасы «Бұл палата мәңгілік өмір сүруді таңдайды» пікірсайыс тақырыбы үшін иеленді. «Ең үздік фракция» номинациясы бойынша Ж. Тәшенев атындағы мектеп «Тұмар» командасы, «Жаңа толқын» номинациясы бойынша № 30 ЖОМ «Қахарман», «Үміт» номинациясы бойынша № 21 ЖОМ «Болашақ» командасы  жеңімпаз атанды. № 46 мектептің «Дана Ұрпақ» командасы Құрмет грамотасымен марапатталды.

Жеңімпаздар мен жүлдегерлер Павлодар қаласы  білім бөлімінің түрлі дәрежелі дипломдарымен марапатталды. Турнирге қатысушылар «Павлодар дарыны» орталығының сертификаттарын алды.

Облыстық турға 2023 жылғы 26 қаңтар - 30 қаңтар аралығында І орын алған мемлекеттік тілде оқитын № 2 ЖОМ оқушылары «Шабыт» командасы және № 11 ЖОМ орыс тілінде оқитын оқушылары «Парасат» командасы қатысады.