«Балдырған спортшыларға құрмет!»

№ 10 сәбилер бақшасының  тәрбиеленушісі Алан Боранбаевты  спорттық жеңісімен құттықтаймыз!

Павлодар  қаласының № 10 сәбилер бақшасында  спорттың ерекше  өнері каратэ түрінен қосымша үйірме жұмыс істейді. Ата – аналар балаларын үлкен ынтамен сенім артып үйірмеге қатысуға келісімдерін берді.

2011 жылдың 6 мамырында Петропавловск  қаласында ұлы  Жеңіс күні мерекесінің  66 жылдығына арналған спорттық  дәстүрлі  турнир өткізілді. № 10 балабақшадан  бұл  жарысқа даярлық  топтарынан 8  бала қатысты.

Балалар каратэ спорт түрінен өздерінің өнерін көрсетті.  Қатысушылардың арасында Боранбаев Аланның көрсеткіші ерекше болып, жарыстың  қорытындысы бойынша ол II орынды иемденді, мойынына  күміс алқа тақты (салмағы – 20 кг.) Ал Кириченко Данил IV орынға ие болды.

Спорттың осы ерекше түрін балалардың  бойына сіңіріп, үйретуші – жаттықтырушы Исмаил Атаншахұлы Османовқа ерекше алғыс айтамыз. Балабақшаның осы балалары таяу арада Теміртау қаласында өткізілетін  республикалық сайысқа  аттанады.

Сәттілік тілейміз!