Қазақстан Республикасы мәдениет және өнер қосымша білім беру мекемелері, колледж және мамандырылған мектептер оқытушылары арасында өткізілген республикалық конкурсқа Павлодар қаласы Құрманғазы атындағы №1 балалар музыка мектебінің 3 педагогы қатысқан болатын. Конкурсқа теориялық пәндер, фортепиано, сольфеджио бойынша электронды оқу құралдарының әдістемелік әзірлемелері ұсынылды. 

2017 жылғы ақпанда алған конкурс қорытындылары бойынша «Әдістемелік әзірлеме» аталымында фортепиано педагогы Елена Александровна Попова «Оқушының көрермендер алдында сахнада өнер көрсету сәттілігінің алғышарты» тақырыбында әзірлемесін ұсынып I-орынға,теориялық пәндер педагогы Ирина Владимировна Валеева «Сольфеджио сабақтарында танымдық қызмет дамуы үшін қолданылатын ойын жұмысының түрлері» тақырыбында II-орынға,теориялық пәндер педагогы Эльвира Геннадьевна Кощук «Қозғалыс қызметін белсендендіру - музыкалық-ритмдік қабылдауды қалыптастыру әдісі ретінде» тақырыбында III-орынға ие болды. Ирина Владимировна Валеева қазақ музыка әдебиеті бойынша «Қазақ аспап мәдениетіндегі орындаушылық дәстүр ерекшеліктері» тақырыбында қазылар төрелігіне ұсынған құралымен «Электронды оқу құралы» аталымында III-орын иегері атанды. 

Конкурс 2017 жылғы 23 - 27 қаңтарда Қазақ ұлттық өнер университетінде өткен болатын. Мақсаты-инновациялық педагогикалық, білім беру және тәрбиелеу әдістемелерін кеңінен тарату, педагогикалық тәжірибе алмасу, сабақ беру инновациялық әдістемелерін қолдану тәжірибесі. Қазылар құрамында музыка факультетінің деканы, өнертану кандидаты, доцент, профессор П.Ш. Шегебаев, «Музыкатану» кафедрасының аға оқытушысы, ғылыми хатшы Ф.С. Баширова, университеттің «Фортепиано» кафедрасының доценті Л.В. Латышова жұмыс жасады. Конкурсқа 200-ге жуық жұмыс ұсынылды.