Қазақстан Республикасының Президенті Н.Ә. Назарбаев 2016 жылғы 29 қыркүйекте жаңа «Сарыарқа» шағын ауданында ашылған Павлодар қаласының балалар техникалық мектебіне барды.

Елбасы әуе үлгілері, су үлгілері, робот техникасы және радиоэлектроникасы үйірмелерінде айналысатын жас өнертапқыштармен кездесті.

Балалар Елбасын өздерінің ойлап тапқан заттарымен таныстырып, болашақтағы жоспарларымен таныстырды. Ұсынылған жұмыстардың арасында әуе үлгісі бойынша республикалық жарыстардың 17 дүркін чемпионы, мектеп тәрбиеленушісі Олег Калинин жасаған Ғ-3-А радио арқылы басқаратын спорттық пилотажды үлгісі болды. Жасөпірімнің балалар техникалық мектебіндегі 5 жыл ішіндегі табысы өмір жолын таңдауға мүмкіндік берді. Ол қазір Павлодар көлік және коммуникациялар колледжінің «радиоэлектроника және байланыс» мамандығы бойынша студент.

Кездесудегі қонақтар арасында Владислав Владимирович Маркин пилот, бүгінгі күні «Фольконавиа» ЖШС директорының әуе кемелерінің жазғы жарамдылығына техникалық қызмет көрсету және қолдау жөніндегі орынбасары. Владислав Владимирович – мамандықты таңдау кезінде техникалық мектепте алған білімін табысты іске асырған түлек.

Іссапарға дайындық шеңберінде мектеп және Павлодар өзен порты арасында Семей қаласының профильді колледжінде мектеп тәрбиеленушілерінен жұмысшы кадрларды даярлау бойынша меморандумға қол қойылды.

Сонымен қатар, ERG корпорациясының қаржылай қолдауымен жыл сайын оқу орнының дамуына қаражат бөлінетінін айта кеткен жөн. 2016 жылы бұл сома 1,5 миллион теңгені құрады. Болашақта мектеп қызметінің тәжірибелік бағытын арттыру үшін техникалық деңгейдегі мамандарды оқыту және даярлау шеңберінде қаланың кәсіпорындарымен ынтымақтастықты кеңейту жоспарлануда.

Жарық кабинеттерімен жаңа ғимарат және педагогтардың табысты шығармашылық ұжымы болашақ тәрбиеленушілерді күтуде.