Павлодар қаласының білім беру бөлімі Павлодар қаласы педагог жұмыскерлерінің кәсіподақ комитетімен бірге, №39 ЖОМ 2016 жылдың 24 қыркүйегінде қала әкімінің орынбасары А. Қ. Торсықбаевтың қатысуымен, педагог-ардагерлер мен жас мұғалімдерді құттықтау рәсімін өткізді. Осы шара Мұғалімдер күні мерекесі мен педагогикалық еңбек ардагерлері кеңесінің 50 жылдығына арналды.

Кездесуде Павлодар қаласы әкімінің орынбасары А. Қ. Торсықбаев педагогикалық еңбек ардагерлерін, жас педагогтарды, жұмысында айтарлықтай жетістіктерге қол жеткізген Қазақстан Республикасы тәуелсіздігінің құрдастарын құттықтап, Павлодар қаласының әкімі атынан алғыс хаттармен марапаттады. Сондай ақ Павлодар облысының «Білім беру жұмыскерлерінің кәсіпшілер одағы» қоғамдық бірлестігінің төрағасы Г. А. Науразбаева, педагогикалық еңбек ардагерлері кеңесінің төрағасы Б. Б. Исмагулова, Павлодар қаласы ардагерлер кеңесінің төрағасы А. Н. Нурбаев құттықтау сөздерін білдірді.

Мереке қоңақтарына, педагог жұмыскерлердің кәсіподақ ұйымын құру бастамаларында болған, педагогикалық еңбек ардагерлері туралы фильм ұсынылды. Мереке соңында қоңақтар жайлы ортада әңгімелесіп, шай ішіп қоштасты.