«Сириус» профильді лагеріндегі бүгінгі күннің басты оқиғасы екінші жасақтың кішкентай балалары салған он суреттен құрылған «Сүйген жүрек» коллажы болды. Әр бала өз түсінігінде қуаныш, махаббат, бақытты пайымдай отырып, қағаз бетіне түсіре білді. Жүрегіміздің бір бұрышына үңіліп қарасақ арман, жанұя, денсаулық, табыс, білім және өсіп-өнуіміз бар екенін түсінеміз. Балалар суретте көргендерін талқылағаннан кейін өз ойларын ортаға салды. Әркім бақытты болып, өмірде белгілі-бір жетістікке қол жеткізгісі келетінін айтып берді. Бірінші жасақтың балалары «Сүйген жүректі» көріп, өздерінің «Көңілді жарыс» коллажын дайындауға отырды. Әр суретті салуға көп күш талап етілді. Балалар ерінбей, жалықпай қызығушылықпен кірісті. Сонымен бірге, балалардың музыка әуенімен өз образы, мінезі мен жеке тұлға екенін көрсететін өз қолдарымен әзірлеген «Маскарад» жаңа жобасы пайда болды. Бұл жерде әртістік шеберлік, хореографиялық пластика және музыкалық шеберліктің пайда болу мүмкіндігі бар. Бүгін вокал сыныбында артикуляция және дикция үшін барлық баланың көңіл-күйін көтеретін жаттығулар жасалып, жаңа әндер үйренді. Балалар «минусовкамен» ән орындағаннан кейін өз-өздеріне қошемет көрсетіп марапаттады.