Павлодар қаласы білім беру бөлімінің «Павлодар дарыны» балалардың дарындылығын дамыту және бос уақытын қамту орталығы Халықаралық балаларды қорғау күнінде «Ертегілер еліне саяхат» театралдық-музыкалық көрініс өткізді. Көрініс қалалық ойын - сауық  орталығының орталық  жағажай сахнасында өтті. Павлодар қаласының 1000 аса балалары қатысты.

Театралдық-музыкалық бағдарламада қатысушылар түлкі Алиса мен Базилио мысығы ертегі кейіпкерлерімен «Пойыз», «Балықтар», «Айдаһар» қызықты, көңілді ойындарын ойнады. Шарлармен сайыс, «Ералаш», «Түймедақ» сайыстары, зияткерлік сайыстар, викториналар өте қызықты өтті.

Балалар флешмоб биледі, өлең айтты, өздерінің қуанышты  көңіл - күйлерін асфальтта бормен сурет салу арқылы бейнеледі, әсіресе сайқымазақтың салтанатты көрінісі балалардың естерінде қалды. Балалар тек жақсы демалған жоқ, сонымен қатар жаңа достар тапты және өткізілген мерекеден көп әсер алды.