2017 жылғы 4 мен 7 қараша аралығында Павлодар қаласы № 25 ЖОМ-ның «Салтанат» би ансамблі Астана қаласында өткен ән-би өнері бойынша VІ Халықаралық «Экзерсис» байқауына қатысты.

Конкурстың нәтижелері бойынша мектеп оқушылары І дәрежелі диплом мен кубок иегері атанып, жазғы маусымда Түркияның Алания қаласында өтетін «Жұлдызды жаз» байқауына қатысуға жолдаманы жеңіп алды. Би ансамблінің жетекшісі Талғат Хандсүрен балалардың шығармашылық қабілеттерін дамыту мен еліміздің мәдени мұрасын дамытуға қосқан үлесі үшін «Lusky People» өнер мен спорт халықаралық ассоциациясы тарапынан Алғыс хатпен марапатталды.

Би тобының құрамына 6-сынып оқушысы Серік Нурия, 5-сынып оқушылары Муратова Анель, Исакаева Жанель, 4-сынып оқушылары Айгожина Сымбат Қадырхан Ділнәз Исабай Әлфатима Тәжібек Мағжан, 3-сынып оқушылары Мейрам Інжу, Зейнолла Әлима, Қаратаева Сабина, Райымкулова Аяжан, Кайыргельдина Алина, Жуматаева Адема, Шақарман Зере, Болат Арайлым.

Сайыста олар «Жастар биі», «Аса таяқ» композицияларын биледі.Би тобы мектепте 2016 жылы құрылды. 2017 жылы ұжым «Балауса» қалалық сайысында лауреат атанды.