Бүгін  Павлодар қаласының Құрманғазы атындағы № 1 балалар музыка мектебінің мектеп жанындағы лагеріне Паровозик есімді клоун қонаққа келіп, балаларды күлкіге қарық қылды.

Клоунның киген киімі мен күлкілі бейнесі, балалар мен ересектердің көңілін аулады.

Балалар қашанда клоундардың келгеніне қуанады. Себебі ол балаларға түрлі жұмбақ жасырып, көптеген фокустар көрсетіп, олармен балаша сайысқа да қатысты.

Клоунның өнері мен сыйлаған жағымды энергиясы балалар мен ересектерді ғажайып ертегілер әлеміне апарғандай болды. Ал ондай күн ұмытылмасы анық.