Болгарияның София қаласында өткен «Little zograff» атты халықаралық балалар суреттер байқауында Павлодар қаласы балалар көркемсурет мектебінің үш тәрбиеленушісі жеңімпаз атанды. Бұл байқауға әлемнің 52 елінен 7000-ға жуық балалары атысты, соның ішінде мектептің 33 баласы еркін тақырыпта өздерінің суреттерін жіберді.
Сайыстың нәтижелері бойынша қазақстандық қатысушылардың арасынан Павлодар қаласынан 3 балғын суретші жеңімпаздар қатарына енді. 5 жастағы Богдан Бендар болса «Кішкентай құс» жұмысы үшін қола медальға ие болды, жетекшісі Лариса Борисовна Илларионовна, 4 жастағы Виктория Гудкова «Піл» атты жұмысы үшін, жетекшісі Ләйлә Мұқарамқызы Мағзамова, 6 жастағы Ульяна Королева «Қолшатырмен серуендеу» жұмысы үшін, жетекшісі Лариса Борисовна Илларионовна сайыс дипломдарымен марапатталды.
«Енді ғана сурет салуды үйреніп келе жатқан осы кішкентай дарындылар, өздерінің әртүрлі заттарға, сонымен қатар айналасындағы әлемге деген балалық көзқарастарын көрсете білді. Және де, ересек адамдар балалардың дүниетанымдығын, оны қабылдауын өте нәзік сезіне отырып, олардың өнерін түсіне білетіні тамаша емес пе», - дейді мектеп басшысының орынбасарры Инна Владиславовна Масленникова.