Павлодар қаласы білім беру бөлімі, «Павлодар дарыны» бос уақытты қамту және балалардың дарындылығын дамыту орталығының  «Әлем. Бала» жоба аясында  2019 жылы 17 маусымда  «Ерке ханшайым» жазғы шығармашылық  жобасының «Павлодар әншісі»   I  туры өткізілді.

Байқау мақсаты - талантты балаларды қолдау, шығармашылық белсенділігін дамыту, өзін-өзі жүзеге асыру үшін жағдай құру, бос уақытын қамту. Байқауға  (№ 1, 4, 6, 7, 9, 11, 12, 15, 16, 17, 19, 22, 25, 26, 27, 28, 29, 30, 34, 35, 36, 37, 39, 42, 43 , Кенжекөл, Жетекші ЖОМ) 27 жалпы білім беру   мектеп жанындағы лагерьлердің  7 - 10 жастағы 6 қыздан құралған командалар қатысты.

Қатысушылар жаз,достық,бейбітшілік туралы өлеңдер орындады, өздерінің әртістік және вокалдық қабілеттерін көрсетті. Байқау қорытындысы бойынша  № 9 лицей-мектебі I орын алды. Олар «Quest Pistols Show» тобынан «Круче всех» өлеңін орындады. Команда  көрермендерге өлеңмен көңіл-күйлерін білдіре алды. «Жил отважный капитан» кинофильмінен, «Капитан, капитан улыбнитесь»  өлеңімен  Б. Момышұлы атындағы ЖОМ командасы,  «Бақытты менің балғын шағым» өлеңімен  № 35 ЖОМ  командасы II орын алып ерекшеленді. № 26 ЖОМ командасы А.Анофриева  «Какого цвета лето» өлеңі, № 37 ЖОМ  командасы А.Абдикаримова «Мен қазақтың қызымын» өлеңі, Кенжекөл ЖОМ Б. Бисенова «Карлығаш» өлеңімен III орынға ие болды. «Исполнительское мастерство» номинациясымен № 43 ЖОМ командасы , № 25 ЖОМ  «Супер голоса» - командасы  марапатталды. Белсенді қатысқаны үшін  № 6, 12, 17, 34 ЖОМ командалары марапатталды.