Павлодар қалсында өткен халықаралық «BangDanceFire» сайысында № 7 ЖОМ 6-сынып оқушысы Сарсенов Дарын І орын ие болып, дипломмен, сайыс медалі және жеңімпаз кубогымен марапатталды. Сайыста «Вокал» санатында Әбділда Елжастың сөзіне жазылған Жарасхан Төлебайдың «Қазақтың ұлымын» әнін шырқады.

Дарын вокалмен Достық Үйінде орналасқан «Вокал өнері мектебі «StarKZ» студиясының тәрбиеленушісі. Студия жетекшісі және вокал ұстазы Зибагүл Қуановна Идрисова. Сонымен қатар Дарын № 1 музыкалық балалар мектебінде домбыра сыныбында дәріс алады. Домбырадан ұстазы  Гаухар Арғыновна Абжанова. 10 жасынан түрлі сайыстарға қатысып келеді. Павлодарда өткен халықаралық«Дионис»  сайысының лауреаты (2019 жыл). Мектепте жақсы оқиды, ағылшын тілін сүйіп оқиды, мектепішілік және сыныптық іс-шараларға белсене қатысады. Спортты жақсы көреді.

Сайыс «Шаңырақ» облыстық халық шығармашылығы және мәдени-сауық қызметі орталығында 2019 жылдың 20 қазан күні өтті. Сайысқа Павлодар облысынан 9 - 18 жас аралығында 100-ден аса балалар әртүрлі санатта өнер көрсетті