2019 жылғы 26 желтоқсан күні «Ертіс» қонақ үйі кешенінде Павлодар қаласының әкімі Қ.Т. Нүкеновтың қатысуымен «Біз еліміздің жарқын болашағымыз»  атты Жаңа жылдық ертеңгілік өтті.  

Шырша қатысушылары - жетім балалар және ата-аналарының қамқорлығынсыз қалған балалар, аз қамтылған және көп балалы отбасыларының балалары, сондай-ақ оқуда, спортта, шығармашылықта немесе қоғамдық өмірде жетістікке жеткен дарынды балалар. Жаңа жыл мерекесі қатысушыларының жалпы саны 9 - 13 жастағы 150 бала. Жаңа жылдық шырша қатысушыларының барлығы спорттық киімді алу үшін сертификаттар, «Ұлы Жібек жолы» атты үш тілде басылып шыққан энциклопедиялар, сонымен бірге тәттілер кіретін сыйлық жиынтығын алды.

Балаларды ертегі кейіпкерлері, Аяз Ата мен Ақшақар қарсы алды, театрландырылған қойылым ұйымдастырылды. Жаңа жылдық ертегіде асыл қазынаны іздеуге халық ертегілерінің кейіпкерлері - Бапы хан, ұлы Шойынқұлақ және Қара-дау, сондай-ақ Алтын адам, Феникс, Мысық ғалым және тышқандар қатысты. Балалар ертегі әлеміне еніп, аниматорлармен интерактивті ойындарға қызығушылықпен қатысты. Мереке соңында мерекелік дастархан жайылды.