Павлодар қаласының жалпы білім беру мектептерінің оқушылары  1 - 4 маусым аралығында онлайн-конкурсқа  және darin.kz сайтының олимпиадаларына қатысты. Қатысушылар, осы конкурста көп ұпай жинап, Қазақстан Республикасының ғылым және білім Министрлігі «Дарын» республикалық ғылыми-практикалық орталығының математика және жаратылыстану бойынша (жазғы мектеп)  «Olympic Summer School» ақысыз онлайн-жобаға қатысуға таңдап алынды.

 «Дарын» республикалық ғылыми-практикалық орталығы математика және жаратылыстану пәндері бойынша «Olympic Summer School» (жазғы мектеп) тегін онлайн-жобасын 2020 жылдың 1 маусымында алғаш рет іске қосты. Мақсаты - 1 - 6 сынып оқушыларын олимпиадаға дайындау, жаңа білім беру тәжірибесін алу мүмкіндігі, мектеп демалысы кезінде алған білімдерін кеңейту және тереңдету. Оқушыларды оқыту үш кезеңде өтеді.

Бірінші іріктеу кезеңіне Қазақстан өңірлерінен 9828 оқушы қатысты. Бірінші кезеңнің нәтижесі бойынша ең жоғары балл жинаған 1675 оқушы мектепке қабылданды, оның ішінде Павлодар қаласының 22 жалпы білім беру мектебінен 97 оқушы (№ 1, 2, 4, 6, 7, 17, 19, 25, 26, 27, 28, 29, 30, 34, 36, 37, 39, 41, 43, Кенжекөл ОМ, Б. Момышұлы атындағы, М. Әуезов атындағы мектептер). 5 - 6 сыныптардың ең үздік 30 қатысушысы жазғы бейіндік ауысымға кәсіби мамандардың мастер-кластарына қатысуға, денсаулықты нығайтуға, алдағы оқу жылына күш жинауға мүмкіндік береді.