Iggamecenter.com платформасында балалар мен жасөспірімдер арасында «Біз біргеміз» дойбыдан облыстық турнир өткізілді. Онлайн жарысқа облыстың қалалары мен аудандарынан 39 оқушы қатысты.
Жарыс қорытындысы бойынша 2008 жылы туған және одан кіші жасөспірімдер арасында II орынды № 2 ЖОМ 5 сынып оқушысы Қобайдолла Жомарт иеленді. 2007 жылы туған және одан жоғары қыздар арасында І орынды Павлодар қаласының № 37 ЖОМ 8 сынып оқушысы Ахмет Аружан иеленді. Жеңімпаздар мен жүлдегерлер электронды грамоталармен марапатталды.
Жомарт мектепте жақсы оқиды, сүйікті пәні-математика, мектеп олимпиадаларында жүлделі орын алады. «Дойбыны 4 жасынан бастап ойнай бастады. Бір қарағанда, дойбы шахматқа қарағанда қарапайым және оңай сияқты, бірақ бұл олай емес. Дойбы ойынының арқасында мен талдау жасап, назарымды шоғырландырып, мақсатқа ұмтылып, жеңіске деген жігерімді танытуды үйрендім», - дейді Жомарт. Ол үстел теннисімен айналысады. «Баянтау» спорт кешенінде футбол және волейбол бойынша жаттығуларды өткізбейді. Қалалық және облыстық жарыстарға 2015 жылдан бастап қатысады. 2019 жылы дойбыдан облыстық ашық чемпионатта, облыстық командалық спартакиадада І орын алды. 2020 жылы Қарағанды, Павлодар қалаларында онлайн-турнирлерде жүлделі орындарға ие болды.
Аружан дойбыдан спорт шеберіне үміткер. Бұл спорт түрімен 1 сыныптан айналысады. Шахмат ойынында да қосымша дамытуда, 3 разрядқа ие. Облыс шахмат Федерациясында «Дойбы, шахмат» секциясына қатысады. Облыстық, республикалық және халықаралық жарыстарға қатысады. 2017 жылы Қарағанды облысының Абай қаласында өткен С. Бегалин мен Е. Гончаровқа арналған дойбы турнирінде ІІ орынға ие болды. 2018 жылы Түркістан қаласында өткен Қазақстан чемпионатының ІІІ орын иегері атанды. Тараз, Шымкент, Орал, Қостанай қалаларында дойбы бойынша республикалық турнирлердің жеңімпазы. 2019 жылы Ташкент қаласында өткен Азия чемпионатында ІІ орынға ие болды. Спорттан басқа, балалар музыка мектебінде «Фортепиано» сыныбы бойынша музыкамен айналысады. Балалар мен ересектерге арналған ХХ бүкілресейлік сырттай вокалдық және музыкалық «Мелодинка» байқауының ІІ дәрежелі лауреаты.
