Біздің балабақшамызда балаларды мектепке шығарып салу кеші өтті. Әрбір мектеп жасына дейінгі бала түлектер кеші ерекше мереке екенін жақсы біледі. Осы мереке кешіне тәрбиешілер де, ата - аналар да балалар да біраз уақыт бұрын дайындала бастады. Ән күй залында түрлі - түсті шарлардан жасалған кемпірқосақ жарқырап, таңғажайып гүлдер құлпырды, бірақ та ең әдемі бұл біздің Үйлесімді даму Орталығымыздың түлектері болды. Мереке кешінде балалар ертегілер патшалығына саяхаттап, Патшайым мен мектепке барғысы келмеген Ханшайымды кездестірді. Алайда тамаша ән салып, ғажайып би билеген, мәнерлеп тақпақоқыған, ағылшын тілінде көрініс көрсеткен, қиын жұмбақтарды шешкен балаларды көрген Ханшайым бірден мектепке барғысы  келген. Бұл күн қиял мен ғажайыпқа толы болды.... Және әрине сыйлықтармен де. Осы ерекше және сәл ғана көңілсіз күн балалардың жадында мәңгі қалады деп  үміттенеміз. Оларға айтылған әрбір тілектердің орындалуына тілектеспіз.