Балабақша есігін ашып сендер,
Тым кішкентай бала боп келген еңдер.
Бұл бақшадан үйреніп көп дүние,
Міне бүгін оны да бітірдіңдер.

Бақшадан соң мектепке барасыңдар,
Оқу оқып, шамнан шырақ жағасыңдар.
Зейіндерің ашылсын балапандар,
Бар бақытты оқудан табасыңдар.

Алла жар боп балапан сен аман бол,
Көп боп күндер ғажайып шаттығы мол.
Жаңа өмірде қадамдарың құтты болып,
Балдырғандар әрқашан бақытты бол!