Семинар модераторы - Павлодар қаласы білім бөлімінің әдіскері - Н.К. Нургалиева.

Семинар-практикумды ұйымдастырушылар: №112 сәбилер – бақшасының әдіскері - А.Д. Мукашева, М. Қанапиянов атындағы жоғары колледждің арнайы пәндер оқытушысы - Д. Т. Ахтамберова 

         Семинардың мақсаты «Мектепке дейінгі тәрбие және оқыту» бөлімінің студенттері мен оқытушылары үшін мектепке дейінгі білім берудің жаңартылған мазмұны мәселелерінде педагогикалық құзыреттілікті арттыру болды.

         Семинар – практикумның пленарлық бөлімінде сәбилер - бақшасының әдіскері А.Д. Мукашева, сәбилер - бақшасының тәрбиешілері Е. В. Железнева, Б.Р. Супекова сөз сөйледі. Педагогтер мектепке дейінгі тәрбие мен білім берудің жаңартылған мазмұны жағдайында интеграцияланған балалар қызметін ұйымдастыру тәжірибесімен бөлісті. Оқытушылар мен студенттердің сұрақтарына жауап беріп, семинар тақырыбы бойынша әдістемелік-дидактикалық материалдардың шағын көрмесін ұйымдастырды.

Семинардың практикалық бөлімінде И. И. Болбух ересек топ балаларымен «Жұмбақ ғарыш» ұйымдастырылған іс-әрекетінің ашық көрінісін өткізді.

         Семинар соңында ДВО – 22 (9) тобының студенті – Цюпко Вероника балабақша базасында топ студенттерінің педагогикалық практикасының нәтижелерін қорыта отырып сөз сөйледі.