Күнделікті өмірде, өндірісте, құрылыста бет жазбаларын жиі кездестіреміз. Шырынға, шайға, тәттілерге, парфюмерияға, мерекелік қорапқа немесе сөмкеге арналған орауыштарды жасау үшін геометриялық денелердің беттерінің жазбаларын құрастыра білу керек.

Ойғыштар (жазбалар) машина жасау зауыттарында, аяқ киім фабрикаларында, тігін шеберханаларында кеңінен қолданылады. Станоктардың қақпақтарын, станок қоршауларын, желдету құрылғыларын, құбырларды жасау үшін олардың жазбаларын парақ материалынан кесіп алу қажет.

Сабақта оқушылар кейбір геометриялық денелердің жазбаларын орындауға өз бетінше үйренеді. Содан кейін олар оның үлгісін жасайды.