2020 жылғы 11 наурызда облыстық көп салалы дарынды балаларға арналған лицей-интернатында «Абай оқулары» көркем сөз оқу облыстық байқауының қалалық турының жеңімпаздары, Павлодар қаласының жалпы білім беру мектептерінен 10 оқушы қатысты.Байқау қорытындысы бойынша 3 қатысушы жүлделі орындарға ие болды. І дәрежелі дипломмен № 25 ЖОМ 10 сынып оқушысы Мажитова Аделия, ІІ дәрежелі дипломмен Б. Момышұлы атындағы 10 сынып оқушысы Дауанов Бақберген, ІІІ дәрежелі дипломмен № 38 ЖОМ 6 сынып оқушысы Герстенлауэр София

№ 25 ЖОМ 10 сынып оқушысы Мажитова Аделия  «Көңілім әнді ұғады» бағытында І дәрежелі дипломмен марапатталып, республикалық кезеңге жолдама алды. Аделия бұл бағытта Абайдың «Өзгеге көңілім тоярсың» шығармасын орындады.

«Өлең - сөздің патшасы, сөз сарасы» бағытында ІІ дәрежелі дипломмен Б. Момышұлы атындағы 10 сынып оқушысы Дауанов Бақберген марапатталды. Ол «Масығұт», «Ескендір» поэмаларын оқып шеберлігін танытты. Бақберген  - ХVI облыстық Абай оқулары сайысындағы «Өлең – сөздің патшасы, сөз сарасы» номинациясының ІІІ дәрежелі жүлдегері (2015 ж).

«Өлең - сөздің патшасы, сөз сарасы» бағытында ІІІ дәрежелі дипломмен № 38 ЖОМ 6 сынып оқушысы Герстенлауэр София марапатталды. Ол осы бағытта «Ескендір» поэмасын орындап, жоғары дайындығын көрсете білді. София - қалалық "Мың бала" оқуының жеңімпазы.