“Жігер” клубының муайтай чемпиондары халықаралық алаңда өнерлерін ортаға салды
Ыстықкөл жағалауында «Жемчужина Кыргыстана» халықаралық спорт фестивалі өз мәресіне жетті. Шараға Қазақстан мен шетелден келген 300-ге жуық қатысушы жиналды.
Павлодарлық «Жігер» клубының муайтай тәрбиеленушілері ерекше өнер көрсетіп, жеңіс қоржынына бес жүлделі орын алып келді.
Алтын медальды Амантай Әлихан мен Серікұлы Арлан жеңсе, күміс медаль Кравченко Тимофейге бұйырып, ал қола жүлдені Даниял Нұрсұлтан мен Нұрғазинов Нұрислам иеленді.
Спорттық жетістіктермен қатар, тәрбиеленушілер Ыстықкөлде демалып, шет елдерден келген жас спортшылармен таныстық орнатуға мүмкіндік алды.
Команда бапкері Дамир Фатхутдинов өз шәкірттерінің халықаралық дәрежеде жоғары спорттық дайындықтарын көрсетіп, мақтан тұтатынын атап кетті.
