29 қараша, Қазақстан Республикасы Тұңғыш Президенті күні қарсаңында, балалардың патриоттық сезімдерін дамыту үшін және тәуелсіздік құндылығын арттыру мақсатында №15 ЖОББМ 7 «Б» сыныбының оқушылары арасында «Жігер» БЖК әдіскері Калтаева Ж.К «Менің Президентім» тақырыбындағы шығармалар сайысын ұйымдастырды. Сайысқа 8 шығарма ұсынылды. Балалардың шығарманы жазу барысындағы өз-өздеріне деген сенімділіктері көрініп тұрды. Балалар елімізде болып жатқан жағдайларға өздерінің де қатысы бар екендігін, біздің Тұңғыш Президентіміз – Нұрсұлтан Әбішұлы Назарбаевтың басты рөлі жайында түсінді. Шығармалардың мазмұны тақырыпқа толығымен сәйкес келді. Осылайша әр оқушы өз шығармасын дауыстап оқып, өздерінің тақырыпты қаншалықты түсініп, ашқандығын көрсетті. Ауызша түрде Ұлт Көшбасшысы туралы толықытырып айтқандар да болды. Сайыс қатысушыларын марапаттау сабақ соңында өтті.