Биылғы жылдың 2 наурызында «Айналайын» БЖК Халықаралық Әйелдер күніне арналған «Анаммен бірге» атты сайыстық-көңіл көтеру бағдарламасы ұйымдастырылды. Бұл іс-шараның мақсаты – бала тәрбиесіндегі клуб пен отбасы арасындағы байланысты дамытып, сонымен қатар бірігіп әрекет етуге және бір-бірін жақсырақ түсінуге баулу болды.
Сайыстық бағдарлама ойын түрінде өтті. Іс-шараға аналар, әжелер мен балалар белсенді қатысты. Сайыс барысында көтеріңкі көңіл күй болды. Клуб тәрбиеленушілері мен шақырылған қонақтар риза болды. «Анаммен бірге» атты сайысқа қатысқан барлық қатысушылар мадақтамалар мен медальдармен марапатталды. Жалпы қамтылған балалар саны -30 адам. Іс-шараны «Айналайын» клубының педагогтері Асильбекова Н.Б., Ильдебаева А.А. ұйымдастырды.