«Жеңіс» балалар жасөспірімдер клубында спорттық ойындар, «Көңілді старттар», эстафеталар, би сайыстары, флэшмоб өткізілді. «Шабыт» үйірмесіндегі балалар өздерінің қиялдарынан туындаған суреттерді «Сиқырлы күз» суреттер сайысында көрсетті. Балалар өз көзқарастары бойынша күзді бейнелеп, бір-бірімен салған суреттерін талқылап, қарады. Ұлттық билер үйірмесі «Біз дарындыларды іздейміз» атты би марафонын өткізді, онда балалар билеп, сахналық қойылымдар қойып, әр түрлі билейтін ойындар ойнады. Спорттық бағыттағы үйірмелерде балалар әр түрлі спорттық ойындарға қатысып, жұмбақтар жасырып ойнады. «Шах» үйірмесінде шахматтан жарыс ұйымдастырылды, онда балалар соңғы жеңімпазды анықтағанша ойнады. Клубтың барлық тәрбиеленушілері бос уақыттарын өздері үшін және өзгелер үшін пайдамен өткізді.