2018ж наурыздың 28 – інде «Сауран» клубында әз Наурыз мейрамы аталып өтті. Іс - шараға №27 мектептен 6 «б» оқушылары (Кушубаева М, Әркулова С, Галиев Д) және «Білгіштер», «Икем», «Брейк Данс» секция каратэ үйірмелерінен балалар қатысты. Іс - шара сайыс түрінде өтті. Қыздар арасынан екі топ бір - бірімен «Танысу», «Алаша», «Наурыз көже», «Қазақ халқының салт - дәстүрі, киімдері мен әшекейлері, ұлттық аспаптар», «Оюлар», «Айтыс», «Көкпар» атты сайыстар арқылы өткізілді. Ұлдар арасынан ұлттық ойындар сайысы өткізілді. Балалар Наурыз туралы біраз ақпараттар алды, өздері қатысып білімдерін саралады.
Сайыс – ойын қазақтың басты дәстүрінен – шашудан басталып, аяғында жеңімпаздарды марапаттау кәде - сыйлықпен жалғасын тапты. Келген қонақтар мен үйірме мүшелерінің наурыз мейрамы көңілдерінен шықты. Мерекенің соңында шашу шашылып, бауырсақ таратылды.