«Сауран» балалар-жасөспірімдер клубында ата - аналарға арналған «Жанұя және тәрбие» тақырыбы бойынша тренинг өтті. Жиналысқа әрбір үйірмеден үш - төрт ата - ана қатысты. Жауапты педагогтар: Карашашева А.Қ Минин О.К. және Давледбаева Г.С. ат салысты.
Ата - аналар алдында клуб меңгерушісі Асем Кабдұллақызы сөз сөйледі. Тренингтің бірінші кезеңінде Давледбаева Г.С. ата - аналармен практикалық тұрғыда тәжірибе өткізді.
Мақсаты: ата аналардың өз тарапынан қаншалықты балаларына жақын болу үшін тәрбиенің негізгі құпиясымен таныстыру, қызығушылықтарын ояту. Ол үшін үш тәжірибе өткізілді. Біріншіден: баланы дұрыс шақыру, көңіліне жағымды сөздер айту; екінші құпия, ол американдық психотерапевт Вирджиния Сатирдің нұсқаулары (балаға өзінің сезімін құшақтау арқылы жеткізу , ол үшін кемінде төрт рет , ал ең дұрыс дегенде он екі рет құшақтау арқылы білдіру), ал соңында педагаог тәжірибие арқылы (таза су, қара бояу қосылған су, және түсі алтынға боянған су ) тәрбиенің үшінші құпиясы ашты.
Жиналыстың екінші кезеңінде Айгуль Қанатқызы әңгіме арқылы мынадай тақырыпшаларға тоқталып өтті: «Өз балаңыз туралы нені білу керек,», «Балалық шақтың негізгі заңдылқтары», «Сіз қандай ата - ана» сұрақ жауап, «Беделді ата - ана», «Өктемшіл ата - ана», «Бәріне көз жұма қарайтын ата - ана».
Бірінші кезең мен екінші кезеңнің уақытында балалармен бөлек Олег Константинович жеке ойын сайыс өткізді.
Үшінші кезеңде «Мен қаншалықты жақын білемін өз баламды» атты анкетаға ата - аналар жазбаша жауап қайтарып, ал балалар сол сұраққа ауызша жауап қайтару арқылы ата ата –ананың қаншалықты өз баласына жақын екенін көрсетті. Аталмыш ойын тренингі барлық қатысушылардың көңілінен шықты.