«Мейірімді адамдар»  кеңесінің белсенділері Катаев, 83 көшесіндегі орналасқан балалар үйіне қайырымдылық концертпен қонаққа барды. Концерттік бағдарламада ойындар, викториналар, билер, әндер де болды. Балалар үлкен қызығушылықпен барлық ойындарға қатысты, сұрақтарға жауап берді. Балаларға әсіресе Беккер Эриктің  дап-степ биі ұнады. Ал қыздарымыз көрермендерді "Грузия" мен "Микс Джаз" билерімен қуандырды.  Оқушымыз Бает Айгерим өзінің нәзік дауысымен бірнеше әнді айтып көңілдерін көтерді.  

 Концерттің соңында барлық балаларға 16 сәуір күні өткен қайырымдылық жәрмеңкесінен жиналған ақшаға алынған сыйлықтар табыс етілді.