Қазанның 22-і күні №30 мектепте «Туған өлкені тану – ғылымға жетелейтін жол» атты аймақтық ғылыми-практикалық конференция өтті. Конференцияға Павлодар қаласының № 30 мектебінің директоры Текжанова А.Т., ИнЕУ- дің  жастар және әлеуметтік саясаты жөніндегі проректоры, педагогика ғылымдарының докторы, профессор Каирбекова Б. Д., Павлодар қаласы білім беру бөлімінің әдістемелік кабинетінің меңгерушісі Нурахметова Ш.С., ИнЕУ- дің  Инженерлік Академиясының директоры, химия ғылымдарының докторы Свидерский А.К. және мектеп оқушылары қатысты. Конференцияның  секциялық отырысында өлкетану, археология және тарихтың өзекті мәселелері, филологияның қазіргі заманғы мәселелері, биологияның өзекті мәселелері, адам денсаулығы және қоршаған ортаны қорғау, география және туризм, математика және физика, экономиканың және  басқарудың өзекті мәселелері қозғалды. Конференция қатысушыларына  дипломдар мен сертификаттар тапсырылды.