1- желтоқсан Тұңғыш Президент мерекесі қарсаңында мектебімізде  6 – 9 сыныптар арасында ашық тәрбие сағаты өтті. Бұл мерекелік шараны ұйымдастырғандар мектебіміздің тарих пәні мұғалімдері Накупова Бақыт Барашқызы мен Бутаканов Асылбек Елтайұлы еді. Осы жетекшілердің көмегімен оқушылар Елбасының өмірбаянынан бастап, еңбек жолы мен жоғары қызметтердегі жетістіктерімен танысты. Мектебіміздің 5 «А» гимназиялық сыныбының оқушылары өздерінің  Президентке деген лебіздерін ән жолдарымен жеткізді.

         Білгенімізді шыңдау, білмегенімізді ұштау ретінде викториналық сұрақтар да қойылып, оқушылар білім – білік дағдыларын ортаға салды.

         Елбасының Жоғары лауазым Президентке дейін жету жолындағы жетістіктері туралы айтылып, Қазақстанның әлемдегі беделі жөнінде, Назарбаев орталығы жөнінде мәнді де, мағыналы фильмді тамашаладық. Мерекелік шараның соңында оқушылар өз пікірлерін ортаға салса, мектебіміздің  директоры Текжанова Ажар Төкенқызы да балаларға өз тарапынан ақыл – кеңес берді.