2015 жылдың 21 желтоқсанында №30 мектептің 1 сынып оқушыларымен «Әліппе, саған мың алғыс»атты әліппемен қоштасу мерекелік шарасы ұйымдастырылды. 1 «А» сынып жетекшісі – Валеулина Алмагуль Муратовна. Алмагуль Муратовна 2015-2016 оқу жылы мектеп табалдырығын аттаған 25 баланың екінші анасы атанып, қолға қалам ұстатып, әріп үйрете бастады. Бірнеше айдың жетістігі ретінде бүгінгі өткен мерекелік шараға сынып ата-аналары, ұстаздар және қонақтар куәгерлер болды. Сынып оқушылары мен сынып жетекшісі ата-аналармен бірлесе отырып, «Әліппе әлеміне саяхат» атты қойылымнан бастау алып, мерекелік концертпен жалғасты. Кішкентай ғана бүлдіршін балапандар өз өнерлерін паш етіп, өлең оқып, би билеп, шақырылған қонақтарды тамаша әсерде қалдырды. Әліппе деген даңғыл жол, Апарар сені алысқа. Жеңіл емес ауыр жол, Тырысып бақ-намысқа. Құрметті 1-сынып оқушылары, жолдарың ақ, басқан қадамдарың оң болсын, сәттілік тілейміз!