Шаһар төріне басқа маусымдарға ұқсамайтын келбетімен күз де келіп жетті. Күз-молшылықтың,байлықтың,берекенің айы. Бүгін біздің мектепте «Күзгі себет» деген тақырыпта жемістер мен көкөністерден дайындалған көрме өтті. Бұл көрмеге бастауыш сынып оқушылары тегіс қатысты.Әсіресе 3 «б» сынып оқушылары өздерінің жасаған бұйымдарымен таң қалдырды. Қиярдан жасалған «Білім толқынында»кемесі,пияздан жасалған мысық, «кірпілер отбасы», «жәндіктер әлеміндегі жұлдызқұрт »,ертегілер мен гүлдер композициясы көздің жауын алады. Бұл көрме оқушылардың шығармашыл,ой-қиялдарының ұшқыр екендігін көрсетті.