2018 жылғы 29 қыркүйекте Колос мәдениет үйінде «Мәшһүр-Жүсіп оқулары» сайысы өтті. Сайысқа әр түрлі білім ордаларынан келген 20 қатысушының арасынан, мектебіміздің 8 «Б» сынып оқушысы Сүлейменова Бақыт топты жарып, жүлделі ІII орынды жеңіп алды.
Сайысқа қатысушылар 3 кезең бойынша сынға түсті. Бірінші кезең Мәшһүр-Жүсіп Көпейұлы өлеңдерін жатқа айту. Екінші кезең М.Ж.Көпейұлының дін тақырыбындағы шығармаларының мазмұнын көркем тілмен жеткізу. Үшінші кезең М.Ж. Көпейұлы өмірі мен шығармашылығына арналған викториналық сұрақтарға жауап беру. Сонымен қатар, үй тапсырмасы ретінде арнау өлең жазу тапсырылды. Бақыт үш кезеңнен де сүрінбей өтіп, жоғары деңгейде өнер көрсетті.

Биіктен көрінген Сүлейменова Бақытты жеңісімен құттықтап, денсаулық, шығармашылық табыс, білім шыңынан көрінуге тілек білдіреміз!